Fallegt nýuppgert fjarkahús í Playagolf kjarnanum í Lomas de Cabo Roig hverfinu. Stór lóð fyrir framan húsið og sólarverönd á þakinu með útigrilli og sólarhúsgögnum. Aðgangur að fallegum sundlaugagarði fylgir. Komið er inn í stofu og borðstofu sem er búin fallegum húsgögnum. Loftkæling er í báðum herbergjum og í stofunni., Góður svefnsófi í stofunni ásamt flatskjá sem er með úrval erlendra sjónvarpsstöðva, ásamt fallegu borðstofuborði og stólum.  Annað svefnherbergið er með tveimur stökum rúmum en hitt er með hjónarúmi. Góð eign á góðum stað og örstutt í lítinn verslunarkjarni þar sem m.a. má finna Aldi supermarkaðinn og nokkra góða veitingastaði.

Fyrir golfarana er ekki nema um 10 min keyrsla 4 golfvelli sem eru í nánasta nágrenni eða Las Ramblas - Campoamor - Villa Martin og besta golfvöll Spánar, Las Colinas.

Ekki tekur nema um 15 min með Taxa eða bíl niður í miðbæ Torrevieja þar sem finna má Tivolí, sundlaugarð, verslunarmiðstöð ofl. (sjá myndband hér)  Um 20 - 30 min rölt er í hin vinsæla Zenia Boulevard verslunarmistöðinni en þar má fá finna úrval góðra veitingastaða ásamt flottum og frábærum verslunum eins og H&M - Primark ofl. - sjá myndband hér. Ekki tekur nema rétt um 15 min að ganga frá íbúðinni niður á göngugötuna í Cabo Roig en þar má finna úrval veitingastaða, bari, kaffihús, apótek, matvöruverslanir ofl. (Sjá myndband af göngugötunni hér) Allt umhverfið er mjög fallegt og er þetta hverfi mjög vinsælt á meðal ferðamanna þar sem allt er til alls á svæðinu og mjög stutt rölt í alla þjónustu, verslun ofl.