Costablanca Open 2018

Hið árlega Costablanca Open verður haldið daganna 23. - 30. apríl 2018. Í boði verða 7 daga ferð - 23. til 30. april og 10 daga ferð - 20 til 30. apríl. Einnigí í boði að lengja í ferðina ef vill. 

Fyrirkomulag og skipulag ferðarinnar hefur þróast að teknu tilliti til óska þátttakenda undanfarinna ára með áherslu á golf við bestu aðstæður, keppni sem gefur golfinu aukið gildi, golfkennslu, fyrirlestrum og svo líflegri kvölddagskrá sem Anna Björk Birkisdóttir, sérlegur skemmtanastjóri ferðarinnar, heldur utan um. Alveg einstakur andi myndast þegar hópurinn kemur saman í dagslok og ber saman bækur sínar eftir golfævintýri dagsins.

Óhætt er að segja að þessi tilhögun hafi mælst sérlega vel fyrir. Öllum er frjáls þátttaka, jafnt byrjendum í golfi sem og lengra komnum. Hefð er fyrir því að makar og fjölskyldur þátttakenda í mótinu sjálfu, sem þá ekki eru í golfi sjálf, hafa slegist með í för og verið virkir þátttakendur; tekið þátt í kvölddagskrá með hópnum en notið sólar, strandarinnar og annars þess sem svæðið hefur upp á að bjóða yfir daginn þá er golfmótið stendur yfir. Íslenskum fasteignaeigendum á Spáni er og boðið til leiks; þeir sem vilja gista í sínum eignum en taka þátt að öðru leyti þátt í öllum herlegheitunum. 

 

 

 

 

 

 

 

 

 

 

 

 

 

 



Sjá einnig myndskeið hér af Costablanca Open 2016 ferðinni.

Eins og áður sagði eru nokkrir valkostir þegar litið er til lengdar ferðarinnar. Þó í grunninn um sé að ræða viku ferð og skipulagða dagskrá þá vikuna (23.4 - 30.4) þá verða í boði 10 daga ferð (20.4 - 30.4) og lengri ferðir ef þátttakendur vilja lengja í ferðinni í annan endann til spila meira golf, njóta sólarinnar og þess sem svæðið hefur upp á að bjóða.

Sem og í síðustu ferðum munum við bjóða upp á fjögurra stjörnu gistingu á Hotel Campoamor Golf Resort ásamt morgunverði. Sem fyrr getum við boðið fjölskyldum upp á íbúða- eða húsagistingu í nálægum hverfum i gegnum leiguskránna okkar sbr. hér 

Myndir af golfhótelinu og allri aðstöðu má sjá hér. 

 

 

 

 

Árið 2018 verður innifalið í heildarpakkanum 5 daga golfmót á 4 vinsælum og ólíkum golfvöllum. Á Costablanca Open 2017 verða spilaðir 4 golfvellir eða - Besti golfvöllur Spánar sem er Las Colinas (x1) - Campoamor (x2). - Lo Romero (x1) - Las Ramblas (x1). Einnig verður innifalið ótakmarkað golf á Campoamor eftir kl 15:00 alla dagana fyrir þá sem vilja spila meira en 18 holur þann og þann daginn.
 

Fyrsta daginn verður spilað sjálfstætt Texas Scramble-mót á Campoamor en á 2. til og með 5. degi verður keppt í parakeppni (Betri Bolti) á Las Colinas - Campoamor - Lo Romero og Las Ramblas þar sem samanlagt skor alla daganna að teknu tilliti til forgjafar ræður úrslitum. Sjá nánar um mótafyrirkomulag hér.

Einnig verðum stillt upp ýmsum innbyrðis keppnum en öllum hópnum er skipt upp í 2 lið sem keppa allan tímann til veglegra verðlauna undir dyggri handleiðslu liðsstjóra.

 

Ef golfari er stakur, eða ekki með golfmakker þá munum við eins og undanfarin ár para saman golfara þannig ef menn vilja taka þátt en eru ekki með félaga, þá ætti það ekki að vera nein fyrirstaða.

Til gamans má geta þess að Las Colinas-golfvöllurinn var valinn besti golfvöllur Spánar og besta Golf Resort Spánar 2015 og svo aftur árið 2016 og í fyrra, þriðja árið í röð. Það er því ekki dónalegt fyrir hópinn að geta spilað þennan mjög svo eftirsóknarverða golfvöll á Costablanca Open 2018.

 
 

Dómari og mótsstjóri: Aðalsteinn Örnólfsson alþjóðlegur golfdómari
Skemmtanastjóri: Anna Björk Birgisdóttir 
Mótshaldari og skipuleggjandi: Bjarni Sigurðssoni.
Tónlistarmenn: Eyjólfur Kristjánsson og Stefán Hilmarsson
Uppistand; Laddi
 
 
 
 

Á lokakvöldinu verður öllu til tjaldað. Uppistand með Ladda ásamt því sem tónlistarmennirnir Stebbi og Eyfi troða upp af sinni alkunnu snilld og halda uppi fjörinu langt fram á nótt.

Þá munu þeir félagar stjórna Karaoke eitt kvöldið með Önnu Björk ásamt því að skemmta fólki á kvöldin eftir golf dagsins.

Í lok móts fer fram verðlaunaafhending, mótið gert upp með eftirminnilegum hætti og vegleg verðlaun veitt. Lokahófið mun fara fram á hinum stórskemmtilega og góða veitingastað Yaho í Cabo Roig en staðurinn býður uppá frábæran mat og góða þjónustu. 

 
 
 
 
 
Boðið verður upp á golfkennslu fyrir hópinn og golfskóla fyrir þá sem vilja leggja megináherslu á kennslu, þá við að koma sér af stað í golfinu og/eða bæta sinn leik, í stað þess að taka þátt í mótinu. Í golfskólann bjóðum við velkomna; maka og fjölskyldur þátttakenda. Stefnt er að því að atvinnukylfingurinn Birgir Leifur Hafþórsson sjái um golfskólann og golfkennsluna eins og hann stýrði svo fagmannlega í Costablanca Open 2017 og gerður var góður rómur að. Ef svo óheppilega vill til fyrir okkur að Birgir Leifur komist ekki vegna mótaraðarinnar mun PGA-kennari á hans vegum hlaupa í skarðið. Þetta mun skýrast betur í janúar/febrúar 2018.
 

 

Á kvöldin er snætt á veitingastað hótelsins eða á veitingastöðum í nágrenninu þar sem hvert kvöld hefur sitt þema; ítalskt kvöld, indverskt kvöld, asískt kvöld, steikarkvöld og spænskt kvöld þar sem hópurinn mun kynnast ólíkum matarhefðum samfara því sem farastjórar og veislustjórar fara yfir úrslit dagsins og halda golfurum og öðrum gestum við efnið.
 
 
 

Frekari upplýsingar um ferðina hér til vinstri á síðunni.

Myndast hefur Facebook-hópur um ferðina en hún er öllum opin og þar má fylgjast með umræðum og tilkynningum. Endilega fylgið grúppunni með því að smella hér.

Myndir úr ferðum fyrri ára má finna á Facebook síðu okkar.   

Frekari upplýsingar veittar í gegnum bjarni@costablanca.is eða í 5-58-58-58.​